Session \an a nih rual hian tun hnaia boral Assembly Speaker hlui, Pu R. Lalawia leh Goa Chief Minister hlui, Manohar Parrikar-te sun an ni ang a, hemi zawh hian zawhna leh chhanna hun hman nghal a ni ang. Ninagni-ah Chief Minister, Finance changtu nibawk, Pu Zoramthanga’n kum 2019-20 chhunga sorkar sum hman tur ruahman a pharh dawn a, hei hi karleh Thawh\an leh Thawhlehniah te sawi hova pass tum a ni dawn a. Hemi hnu hian Minister hrang hrangte hna chanpual enkawlna tur sum ruahman pawh a tahtawla sawihovin pass tum a ni ang.
Assembly Budget Session \an a nih dawn tak avang hian Aizawl District Sub-Divisional Magistrate, Pu K. Laltlawmlova chuan tun thla ni 27 thleng Aizawl Treasury Square-a Dak inpui leh Raj Bahwan chhim lam Gate inkarah mi 5 aia tam punkhawm khapna thupek a siam a, helai hmunah hian vantlang inkhawm emaw, politics thila punkhawm emaw thil dang eng emaw vanga punkhawm a rem dawn lova, he thupek hian dan leh thupek kengkawhtute erawh a huam lo a ni.
