Tun thla ni 14-a inkharkhip hman mek tawp tur chu Coronavirus kai an pun zel avangin State sorkar engemawzatin pawtsei turin sorkar laipui an ngen a, sorkar laipui thuneitute chuan inkharkhip pawh sei chu a \ul anih chuan a hunah puan a la ni ang tih an sawi.

Sorkar laipui hotute chuan state sorkar hrang hrang leh mithiam zawkten tun thla ni 14 piah lam thleng inkharkhip pawtsei tura sorkar an ngenna chu sorkar laipuiin a ngaihtuah tih an sawi a, nimina Prime Minister, Narendra Modi hova cabinet meeting neihah khan Minister te chu ruahmanna \ha tak nei tura hrilh an nih thu an sawi.

Union Minister Prakash Javadekar chuan inkharkhip chu ram tana thil \ha a nih dawn chuan pawhsei zel a ni ang tih a ti a, pawhsei a nih dawn pawhin a hun takah puanzar a ni ang a ti.