Budget Session tawp niah hian House Leader, Pu Zoramthanga’n dan \henkhat hman ngai tawh lo paihna tur Bill a putluh, “The Mizoram (Repeal of Certain Enactment) Bill, 2019 te, Higher and Technical Education Minister, Dr. R. Lalthangliana’n ICFAi Univeristy Mizoram dan siam\hatna tur, “ICFAI University Mizorama (Amendment) Bill, 2019 a putluh leh Land Revenue and Settlement Minister, Pu Lalruatkima’n “The Mizoram (Land Revenue) (Amendment) Bill, 2019 a putluh te sawi ho a nih hnuah House chuan lungrual takin a pawm a, hemi hnu hian Speaker Pu Lalrinliana Sailo chuan, Assembly Budget Session neih a nih chhunga thil pawimawhte tarlangin, \hutkhawmna neih a nih chhunga buaina leh harsatna lutuk thleng lova tluang taka an zo thei chu lawmawm a tih thu a sawi a. Member zingah midang tana hriat nuam lo leh hun kal zel tura hriatreng tur \awngkam hnutchhiah an awm lote, House Leader leh Opposition Group Leader te zingah pawh thusawi ngaihthlak nuam lo chhak chhuahk an awm lo leh inpawh tlang taka ro an rel ho chu a lawm hle tih a sawi.
Speaker hian, tun hma a\anga chhut pawhin Assembly Budget Session neih zawh tak chu a muamawm berte zinga mi a ni, a ti a. Parliament leh State dangah chuan rorel hleithei lo khawpa inhnial buaina a awm \hin a, hei hi Mizoramah chuan ni ve lovin, State dang leh ram dangte entawn tlak khawpin rorelna kalpui a ni a, hei hi tun hnu zelah pawh Member-te chuan chhunzawm zel thei se na duh tih a sawi.
Speaker Pu Lalrinliana Sailo sawi danin, Assembly Budget Session neih chhung hian House-a chhan chi zawhna Starred Question 392 dawn zinga 384 chu pawm a ni a, zawhna hnawl 8 a awm a, Starred Question dawn zinga 215 chu House-a chhan tura tih a ni a, heta \ang hian 65 House-ah chhan hman a ni a, chhan hman loh 150 a awm a ni. Zawhna ziaka chhan chi Unstarred Question 93 dawn zinga 90 chu pawm a ni a, Starred a\anga Unstarred-a leh zawhna 139 a awm bawk.
Session neih chhung hian Dan dinglai siam\hatna tur Bill 4 lutte chu ngaihtuah a nih hnuah pass vek a ni a, lehkha pawimawh 20 house dawhkanah pharh a ni a, Private Member Resolution 38 dawn chu pawm vek a ni a, heng zingah hian Aizawl North III bialtu MLA, Pu C. Lalmuanpuia’n “MNF Sorkar-in kum 2008-a District thar pathum, Khawzawl, Saitual leh Hnahthial District a hawnte kum sawm lai hlamchhiah an nih hnuah Sorkar-in tihlawhtling tura chak taka hma a la hi lawmawm kan ti hle” tih a put luh leh Aizawl West I bialtu MLA, Pu Zothantluanga’n “MNF Ministry-in hun rei lote chhunga Zoram dung leh vanga kawng chhe tak, hun rei lote chhunga a siam\ha mai hi lawmawm kan ti hle” tih te chu sawi ho a nih hnuah lungrual taka pawm a ni.
Session-ah hian tun hnaia thi Assembly Speaker hlui Pu R. Lalawia, Goa Chief Minister hlui Mannohar Parrikar, Minister hlui pahnih, Pu Lalrinchhana leh Pu PB Rosanga te sun an ni bawk.
Rorel tura chhawp chhuahte zawhfel a nih hnuah Speaker, Pu Lalrinliana Sailo hian vawiin chhun dar 12:33 khan tun \um Assembly rorel \hutkhawm chu tiamchin awm lovin a ti tawp a ni.
