Zirtawpni leh Inrinni-ah te Chennai bulah Prime Minister, Narendra Modi leh Xi Jinping te hi an inbe dawn a ni.
Sorkar thupuangtu chuan China President rawn zin tur puanzar vat loh vanga thil thup ngai engemaw awm nia ngai a, mahni ngaihdan lo sawi an awm tih a sawi a, China President rawn zin tur chu nemnghehna awm tawh mahse, ram pahnihten a rawn zin hma ni hnih la awma puan chu an remtih dun dan a ni a ti.
Jammu & Kashmir leh Ladakh state \hiah a nih vangin tun hnai khan India leh China inkar a kak deuh a, UN Security Council Meeting-ah China-in India chu a lo sawisel tawh nghe nghe a ni.
Prime Minister leh Xi Jinping te inbiakna neih leh tur hi an inbiak \um thumna tur a ni a, nikum khan Wuhan summit-ah an lo inbe tawh a ni. An inbiakna hmun atan Chennai bula Mamllapuram chu thlan a ni a, Xi Jinping hi Zirtawpni chawhnu lama India ram rawn thleng tura ngaih a ni.
Hetihlai hian China President Xi Jinping hi Pakistan Prime Minsiter Imran Khan-a’n Beijing-ah a kawm a, an inkawmnaah hian Ji Jinping hian Kashmir chungchanga thil awmdan chu uluk taka a ngaihven reng Imran Khan hi a hrilh tih Xinhua News Agency chuan a sawi a, ram pahnihte chu boruak muanawm tak hnuaia inbiakna hmanga Kashmir chungchang chingfel turin a duh tih a hrilh bawk.
