Bawngkawn Durtlang Road-a Pu Surash Garti-te kawmthlang lungrem chu tukin dar 9:10 vel khan a min a. Lungrem chim hian a thlanga Pu J. Lalbiakmuana Building, Suzuki Twoo wheele Showroom luah lai panna kawng a hnawh pin vek bakah he Building hmun \henkhat hi a dengchhia a ni. Bawngkawn Local Council Chairman, Pu H. Lalduhkima hnen a\anga Zonet thudawn danin, Pu Surash Garti-te chhungkua leh an inhnuai luahtute chu an inthiar chhuak nghal a, leimin hi vawiin khan JCB hmanga then nghal ni mah se, ruah a sur deuh reng avang leh a chhak lam lei hi min leh hlauhawm a nih avangin chak taka hnathawh theih a ni lo a ni.
Leiminna hmun hi Aizawl Dy. Mayor, bialtu Councillor nibawk, Pu Lalringliana’n a tlawh nghal a, leimin zel tur venna atan Silpouline a pe a, leimin zel turin veng turin lung remna ngaihtuah pui a nih tur thu a sawi. Leiminna hmun hi Aizawl DC hnuaia Disaster Respond Force pawhin an tlawh nghal a, thil awm dan an enfiah bakah a \ula hman atan Silpouline an pe bawk.
