BJP General Secretary hian MNF hian BJP a \an ngai lo a nih chuan BJP kaihhruai NDA sorkar hnuaiah an MP chu an thuttir tur a ni lo tih vawiina Upper Republic-a an Party Pisa-a thuthar lakhawmtute a kawmnaah a sawi a, Pu Vanlalhmuaka chuan, kum 1998-a Central BJP kaihhruai NDA a sorkar tirh khan kahtih laia Mizorama sorkar-na chelhtu MNF chuan a thlawp ngal a, hei mai hi hi ni lovin nikum kum tawpa State Assembly inthlanpui neih dawn khan MNF President Pu Zoramthanga chuan Congresss party ni lo, Mizorama Party hrang hrang MNF, ZNP leh MPC ten kum 2014 MP inthlan dawn khan NDA an thlawp thu a sawi a, kumin May ni 28-a Parliament Central Hall-a NDA MP kalkawmnaah Prime Minister atana Pu Naredra Modi rawtna thlawptu zingah pawh MNF party chu a tel leh a ni a ti a. Hei bakah hian Pu Zoramthanga chuan UPA chu Congress kaihhruai inhlawmkhawm a nih thu leh NDA chu BJP kaihhruai inhlawmkhawm an nih thu sawiin, MNF chu BJP kaihhruai NDA lam\ang an nih thu a sawi bawk a ni a ti a, hetiang a nih mek laia BJP \an ngai lo anga a insawi leh si chu Mizo mipui hmaa hmai a phih tumna mai a ni, a ti a, MNF in BJP kaihhruai NDA chu an thlawp lo a nih chuan tun thla ni 17-a Parliament \hutkhawm hmasa ber neih turah an MP neih chhun Pu C. Lalrosanga chu NDA lamah an thut tir tur a ni lova, hemi \uma Pu C. Lalrosanga \hutna chuan MNF-in BJP an thlawp leh thlawp loh chu a hril dawn a ni, a ti.
Pu Vanlalhmuaka hian, MNF Party chu Central lama an hotute hnena tlaklum loh hlaua an hmanhlel hle chunga BJP an thlawp loh thu an sawi leh si chu \ha lo a tih thu a sawi a, BJP Mizoram Pradesh chuan Pu Zoramthanga chu thudik lo sawi tawh lovin a duh a nih chuan Mizoram mipui hmaah mai ni lovin NDA an thlawpna chu hnuk dawk mai tura an duh thu a sawi.
Pu Vanlalahmuaka chuan, tun hnaia BJP kaihhruai sorkar thar lakluhna inkhawm New Delhi-a neihah BJP Mizoram Pradesh hruaitu \hahnem chu sawm an nih angin an tel ve tih a sawi a. NDA kaihhruai sorkar thar chuan lakluh a nih hlima thuthlukna a siam hmasak ber chu India ram veng him tura inpete tan thuthlukna siam nghalin, National Defence Fund a\anga Prime Minister Scholarship scheme an pek thin chu ram pum huapa a huang ti zauin Scholarship an dawn \hin chu a tipung nghal tih a sawi.
Chanchinbumite zawhna chhangin BJP Mizoram Pradesh General Secretary chuan, Sorkar laipuiin Citizenship Amedment Bill kalpui a tum chu National Policy a nih avangin anni chuan sawi theih an neih loh thu leh a tir a\anga lo dodal nghal ngawt chu an tum loh thu an sawi a. Hetihrual hian BJP Mizoram Pradesh chu Mizoram leh Mizo Hnam tana din a nih angin Mizoram tana thil \ha lo tur chu a tawp thlenga an dodal tur thu an sawi.
