Vawiina an Pawl Bengvar inkhawmah Pu Vanlalruata chuan, Mizo mipuiin nasa taka an dodal chunga Assam Forest Department-in Mizoram chhunga office an hawn chu MZP-in dodalin kawng hial an zawh a, Mizoram map te an hal chungin tun thlengin Assam Forest Department chuan an office hi an luah a. A tira police venna hnuaia awm kha tunah phei chuan thlamuang takin ven pawh ven lohin an awm tawh a ni, a ti a. Hetiang hi thil awm dan a nih avangin Chief Minister, Pu Zoramthanga’n ramri chinfel dan tur an hriat thu sawi chu chinfel lova dah a, Assam lamin min lo nek a nih pawhin lo dawh tawp a, tlawm zawka \an zel ni mai niin a lang tih PRISM Party Presdient hian a sawi a, an Party chuan Mizoram chin chu Mizote ta ni tura rinluh a, humhalh an tum a, tuna Mizoram leh Assam inchuh mek te pawh Mizoram chhung ngei a nih avangin an Party-in thuneihna a chan hun hunah Assam chu an nek tawm vek dawn niin a sawi.
