He hriattirna hi CEO Office chuan nimin khan Mizoram Sorkar-a Excise and Narcotics Secretary hnenah a pe a, April ni 11-a ram puma Lok Sabha inthlanpui neih a nih dawn avanga Election Model Code of Conduct hman a nih rih avangin he dan thar hi Lok Sabha inthlanpui neih fel zawh a nih hma April ni 27 hma chu hmang rih lo turin a ti, a ni. CEO Office-in Excise and Narcotics Secretary a hriattirna a pek danin, zu khapna dan thar, Mizoram Liqour (Prohibition) Bill, 2019 chungchangah hian tun hnai khan mi tu emaw chu Election Commission of India-ah zualko-in he dan thar hi hman a nih chuan tute emaw tan Lok Sabha member thlanna neih turah ham\hatna a nih theih dawn avangin inthlanpui vuakvet chhung chu he dan thar hi hman remti lo turin a ti a. Hemi ang hian ECI chuan Mizoram Chief Electoral Officer chu hriattirna rawn pein, Mizoram sorkar-in zu khapna dan thar, Mizoram Liqour (Prohibition) Bill, 2019 a pass tak chu a taka tihlawhtling rih lo turin a ti a ni.
