A tuar na ber, Vairengte ah chenna in 41 a chhia a, Chhimveng UPC Sunday School hall leh Joint YMA field-a Pavillion chung te thli hian a la bawk a, thing tlu in Electric ban leh line a tihchhiat nasat avangin khaw pumin power supply an hmu thei lo a, inbiakpawhna lamah pawh harsatna a theng \an mek a ni.
Motor kawngpui pawh hun engemawchen thing tlu vangin a ping a, Vairengte bakah Bilkhawthlir, Phainuam, Saipum, Saiphai leh Saihapui ‘V’te pawh thli hian nuaiin chenna in \hahnem tak a ti chhe bawk. Tukin thlipui tleh hi a na hle a, kum 40 chhunga thli tleh nat ber \um nia an hriat thu thil chik mi te chuan an sawi a, khawlai a Two wheeler ding te pawh a chhem tlu hial a ni.
Vairengte Joint VC leh Joint YMA te hmalakna in chhiat tawk chhungte a theih ang a chhawmdawl hna thawk turin khawtlang hnatlang koh nghal a ni a, veng tinin mahni veng theuha chhiat tawkte an tanpui a, Vairengte SDO (C) Pu Isaac Lalrempuia chuan thlipui tih chhiatte fangkualin sorkar a\anga \anpuina awm thei te a ngaihtuahpui nghal a, Bialtu MLA Pu Lalrinsanga pawhin Vairengte hi a thleng thla nghal bawk.
