He thil thlennna hmunah hian Kolasib DC Pu Zoengsanga, S.P Pu Vanlalfaka, Bairabi SDC Pu Samuel Zodinsanga leh sorkar mi pawimawh dangte an kal nghal a, Hailakandi a\ang pawhin official \hahnem tak thil awmdan enfiahin an kal bawk a, state pahnih te hian a hran ve ve-a he thil thleng hi chhui nise an ti a, boruak muanawm a awm theih nan Mizoram Police ten helai bialah hian patrolling nei \hin se tiin ruahmanna an siam a ni.
Bairabi North YMA hruaitute hnen a\anga ZONET thudawn danin Bairabi VC leh YMA Branch pahnihten he thil thleng chungchang hi vawiin khan an sawiho nghal a, he thil hi Mizo te tih anih an rin loh thu helai vela cheng hnamdang hruaitute pawh an hrilh nghal a, tunhnaiah helai velah muslim leh hindu te inkara inhmuh thiam lohna tenau lo thleng tawh nen thil inzawm a ni thei tih Bairabi YMA hruaitute chuan an sawi.
