He inkhawm Darlawn Bazar-a neih a ni Darlawn BDO, Pu Ralzidinga Ralte-in a kaihruai a, Pu Lalchhandama Ralte chuan, a bial mipuiten hnathawh kawr an haktir avangin theihtawp chhuaha hna a thawh tur thu a sawi a, campaign laia an lo sawi tawh \hin angin zirna tihhmasawn kawngah theihtawp a chhuah tur thu a sawi a ni. Darlawn Bazar-a a lawmna inkhawm neih a nih hnu hian SSA Block Resource Centre-ah Darlawna sorkar hnathawkte leh Tlawmngai pawl hrang hrangte a kawm a, Pu Lalchhandama Ralte chuan, Sorkar hnathawkte chu hun vawn dik ngai pawimawh turte, an hnathawhna hmunah mipui pawh phak leh dawr nuam taka awm turin a chah a, an Department \heuh hmalaknaa puih an ngaihnaah tanpui a inpeih reng thu a sawi bawk.
Minister hi, Aizawl North III bialtu MLA, Pu C. Lalmuanpuia, School Eduation leh Labour, Employment, Skilled Development and Entrepreneurship Deaprtment hotute bakah an party hotuten an\awimawm a. Darlawn an pannaah hian East Phaileng-ah pawh mipuiten an lo lawm a ni.
