Sakawrdaia Zonet Palai hnen a\anga thudawn danin nimina an ruang la hmuh loh mi 2, Pu Lalroliana Ralsun, kum 51 mi leh Pu J. Hranglura, kum 48 mite ruang chu tukin khan hmuh an ni a, Pu Lalroliana ruang hi zing dar 5 vel khan an tlakna a\anga hla takah hmuh a ni a, Speed boat hmangin lui hnar lama Zilthawchhuah panpui a ni a, Pu J. Hranglura ruang erawh chu an tlakna a\anga hla vak lo, Sartuinek kai bulah tukin dar 9 vel khan hmuh a ni. An ruang hi vawiin khan Sakawrdai panpui a ni a, lumen lovin vui zui nghal an ni. Sakawrdai YMA hruaitute sawi danin Tuiruang luia Lawngleng Engine nei chi chetsual vanga buaina thlengah hian bialtu MLA, Pu RL Pianmawia, Sakawrdai SDO Civil, Pu R. Lalzedinga leh sorkar officer dangte bakah Chalfilh Group YMA, Tuisual Group YMA, Sakawrdai chhehvel khaw hrang hranga YMA memberte leh mimal \hahnem takin tha an thawh bakah a \ul dan ang anga hman turin \anpuina sum an pe a ni. Puan tawh angin Thawh\anni chawhnua Tuiruanga Lawngleng chesualah hian mi 30 an chuang a, an chetsual laia an bul hnaia awm ve Sartuinek khaw mite lawng 3-a chuangte chuan mi mangangte chhanchhuah hna an thawk nghal a, mi 26-te chu damin an chhanchhuak a, midang 4-te erawh chu tuiah an tla hlum ta a ni.
