Sesawng leh Khawruhlian inkara Tuirini lei kumin fur ruahtui tlak hmaa dawh theih turin tunah hian lui sir a\anga lei dotu tur ban phunna tur ngawrh taka laih mek a ni. A lai tur leh lei ban ‘Pier’ phun tur hian a hranpa-in SLT Infrastructure rawih an ni a, anni hian lui kuang chhunga tui chim loh china lei dona tur laih hna hi lung verhna khawl a chhu thei chi leh Hitachi Excavator te hmangin an thawk mek a, hun reilote hnuah lai zovin, lei dona tur ban hi an phun dawn a, chumi hnuah chuan National Highway 54 kawngpui chhuat Chhingchhipa bal laia bailey bridge dawh chu kawng chhe lai helna kawng thar siam a nih hnuah \hiat theiha a awm tawh avangin tunah hian PWD Mechanical Division chuan a thawk mek a, Mechanical Division Engineer te hnen a\anga thudawn danin he lei \hiat hna hi thawh mek nimahsela, lei sir tawn tawna \an lakna tur hmunzawl a tawi avangin chak takin hna a thawh theih loha, karleh tawp lamah chuan zawhfel theih beisei a ni a, chumi hnuah Tuirinia lei dawhna tur hmunah phurhthlak a ni ang. Tuirinia lei dawhna tur lui kuang hi feet 200-a zau a ni a, lui kam lehlam, Khawruhlian lamah chuan lei thar dawh tur innghahna atan lei hlui innghahna ‘abutment’ rin nghal theih a ni a, Sesawng lamah erawh chuan lei innghahna tur abutment hi siamthar a ngai dawn a ni. Tuirinia lei dawh tur sei zawng hi feet 200 a nih avang leh Chhingchhipa bailey bridge \hiah mek sei zawng chu feet 160 chauh a nih avangin lei dawhna tur thir indaihlohna phuhruk nan lei hlui hmanraw la \ha te hman tum a ni bawk a ni. Khawruhlian, Darlawn leh Sakawrdai tlangdunga khua ten fur laia harsatna an tawh loh nan he lei hi PWD hotute chuan kumin fur ruahtui tlak tam hmaa dawh zawh hman an tum dawn a ni.
