CM, Pu Lal Thanhawla’n Tuirial Hydro Electric Power Project chu PM, Pu Narendra Modi-a’n a hawn a ch^k niin a sawi a, hei hi sorkar hnathawh ropui tak, state dang pawh a thleng zen zen lo a ni, a ti. Vawiina kumin atana Congress Bhavan kharna inkhawm-ah CM chuan, Tuirial Hydel Project chu MNF-in an sorkar laia a tihchhiat lailet der nia sawiin, Mizoramin kawlphetha megawatt 60, a thlawna a neih theihna tur chu kut tling lo-a sum lak duhna avanga tihchhiat vek a nih hnuah chhit theihin Congress sorkarin a siam leh a ni, a ti a. Hei hi PM-in hawn a hauh tlat nia sawiin, hei hian thil chhuanawm tak a ni tih a lantir niin a sawi. CM chuan Tuirial Hydel Project lungphum phum a nih \umin, a thawktu turte’n Tuivai pawh khuah an tiam nia sawiin, kum 1998 inthlan khan Congress sorkar tla lo sela chuan Mizoramin kawlphetha megawatt 270 a nei tawh dawn nia sawiin, MNF sorkar lo sela chuan Mizoramin tuna a mamawh, megawatt 100 vel bakah, hralh tur megawatt 170 a nei tawh dawn niin a sawi. CM chuan, Tuirini pawh kawlphetha
megawatt 42 pe chhuak thei ni mah se, khuap tur chuan sorkar laipui lamah dil a ngaih avangin hun a duh rei dawn a, hei vang hian state thuneihna chin, megawatt 25 pe chhuak thei tura siam tum a ni a, hemi atana sum mamawh hi PM hian ngaihtuah se a duh thu a sawi bawk. Congress Bhavan kharna inkhawm hi party Vice President, Pu R. Lalzirliana’n a kaihruai a, kum thar 2018, January 8-ah Congress Bhavan hi an hawng leh dawn a ni.
