Tuirial Hydro Electric Power a\anga kawphetha siam chhuah Mizoram sorkarin a lei na tur rate tih fel a la ni lo tih Power & Electricity Deptt. Secy Pu H Lalengmawia’n Zonet a hrilh. Pu H Lalengmawia chuan, Mizoram sorkar leh NEEPCO in inremna an ziah angin Tuirial HEP a\anga kawlphetha siam chhuah zaa 12 chu Mizoram sorkarin a thlawnin a chang dawn a, a bak zawng chu Mizoram sorkar lei tura tih a nih thu a sawi. Pu H Lalengmawia chuan, Tuirial HEP thawktu NEEPCO in an beisei aia an sumsen a tam tak avangin Mizoram sorkarin kawlphetha a leina tura rate bithliah hmasa ang chuan unit 1 cheng 10.52 a nih thu a sawi a, inbiakna an neih hnuah leh Mizoram sorkar puihnaa NEEPCO in DoNER Ministry a\anga cheng vaibelchhe 133 nuai 90 a hmuh belh avangin unit khat cheng 5.18 vela lei theih turin an nawr hniam theih phah tih sawiin Mizoram sorkarin a thlawna a chan tur zaa 12 tel veka chhut chuan unit 1 cheng 4 leh tlem vela lei theih beisei a ni a ti. Pu H Lalengmawia chuan, tun dinhmunah Turial HEP chu a nih tur ang a la nih loh avangin kawlphetha an siam chhuah chu unit khat cheng 1.90 in sorkarin a lei mek tih a sawi a, rate chu Central Electricity Regulatory Commission in a bithliah tur a nih thu a sawi a, tundinhmunah State pawn a\anga Mizoramin kawlphetha a leina chu chawhrualin unit khatah cheng 3.55 vel a ni a ti.
