Tuirial biala |angrual pawl, ZPM candidate Pu Andrew H. Thangliana chu vawiin khan Sakawrhmuituai tlangah an party mipuiten an lo hmuak a, amah lawmna inkhawmah Pu Andrew H. Thangliana chuan, mipuite chu Chief Minister dinhmun luahtu tur hre reng chunga Assembly inthlanpuiah Vote thlak turin a sawm a, ZPM-in kalphuing thar, mipui sorkar a din tur chu a tihlawhtlingtu nih tum \heuh turin a sawm a ni.

Pu Andrew H. Thangliana chuan, Pathian leh mipui zara MLA a thlan a nih chuan an bial hmasawnna ngaihtuah turin Constituency Development Board din a ni dawn tih sawiin, hetah hian Party tin aiawh te, NGO leh Kohhran zawng zawng aiawh an tel ang a, langtlang takin bial hmasawnna hna an thawk dawn niin a sawi a. Mipuite an \anrual chuan kalphung dik lo chu kalphung dik, kalphung thar sorkar-a thlak a ni dawn tih a sawi a ni.