Zawlsei Branch YMA te chuan faina hnatlang huaihawtin, VC leh NGO dangte’n an puibawm a. YMA chhang naupangte nen Zawlsei khaw chhung kawngpui dung leh kawng penhleh thenfai hnatlang an nei a. Puitling hnatlanga thawk chhuakte’n favang ruah surin kawngko a tihmin te, Thlanmual kawng hnim leh tuiluan kawr an thian fai a. Nu-nau leh YMA chhangte’n kawngpui dung an then fai bawk a ni.
Inrinni vêk khan Dungtlang khua pawhin Sanitation Committee hmalaknain Zo khuaa Zawlbuk tual leh Lianchhiari Lunglen Tlang panna kawng an thlo fai a. YMA chhangte’n khaw lai thian faiin kawngko hnim zual pawh an samfai nghal a ni.
