Tuipuiral Group YMA hruaituten vawiin khan an huam chhung Myanmar ramri depa khaw hrang hrang duty post te tlawhin an harsatna tawhte an enfiah.

Vaphai, Saikhumphai, Chawngtui, Farkawn, Khankawn leh Thekte-a COVID 19 Duty Post te an tlawh a, Bialtu MLA Pu Ramthanmawia’n a tum sak, hmai tuamna, kutkawr leh silpoulin te an sem nghal a. Vaphai Branch YMA hnuaia Saikhumphai Section YMA duty te chuan mihring an indaih loh avangin Saikhumphai chhehvel hmun 4-ah chauh duty hmun nghet an siam thei tih an sawi a, Police 6 awm sa enkawl turin Mizoram sorkarin ASI pakhat a dah belh tawh tih an sawi bawk.

|iau lui a kam lai a nih avangin nunau pawhin duh duhin an dai kai thei a, Saikhumphai huam chhung bakah hmun tam takah kal kaina a awm avangin, Vaphai a\anga Farkawn kai inkarah ruahmanna thar siam a ngai tih Tuipuiral Group YMA hruaitute hian an sawi.