Tuikual South Branch YMA chuan kumpuan, “Ram leh hnam humhalh” tih bawhzuiin tunlai hian Zodin Square, Vanapa Hall bul vel, Treasury Square leh Mizoram Legislative Assembly building chhehvelah “Operation Jericho” neiin mi awm \ha duh lo thenfai hna an thawk mek. He beipui thlak chungchanga mipuite hriattirna an chhuahah chuan Operation \an ni, tun thla ni 24 a\anga nizan thleng khan mi awm \ha duh lo 91 an khawm a, an zinga 64 chu mipa an ni a, a bak 27 chu hmeichhia an ni. Heng zinga a tam ber chu ruihhlo ngai leh a zuarte an ni a, a bak chu zurui leh mipat-hmeichhiatna lama inhmang sualte an ni a, YMA hruaitute chuan an mi mante hi nunphung pangngaia an awm leh theih nan thu \ha an hrilh bakah an veng chhung tibawlhhlawh tawh lo turin an ngen a ni.
