Tuichang Lei dawh mek hun tiam chhunga zawh a nih theih nan tan la turin Tuichangral Zirlai Pawlin Sorkar an phut. Vawiina thuchhuah an siamah TCZP chuan, Tuichang lei dawh mek chu tun thla ni 2 khan Tuichangral South Group YMA nen a hmunah kalin an en tih an sawi a, an kal lai hian hnathawktu pawh an awm lo tih an sawi a, hnathawktu Guwahati a Sadguru Engineers & Allied Service Engineer chuan hun tiam kumin December ni 1 ah hna an zawh hman loh tur leh February thla atang khan hna pawh an chawlh vek thu a lo hrilh tih an sawi a. TCZP chuan, hnathawh lai chawlhsan chhan diktak zawng chhuak a, a rang thei ang ber thawh chhunzawm a nih theih nan leh, a hma thei ang bera hna zawh a nih theih nana hma la turin sorkar an phut tih an sawi. TCZP chuan, lei hman mek pawh an enfiah nghal thu an sawi a, nikum May ni 30 khan Department lamin thawmthat an lo tiam tawh nia sawiin, tun thlenga hmalakna hmuh tur la awm lo chu lungawithlak loh an tih thu leh he lei zawhtu mipuite nghaihthahna lian tak nia an ngaih thu te sawiin chhiatna a thlen hmaa lei hi thuamtha thuai turin sorkar an ngen tih an sawi bawk
