Pu Tawnluia chuan, Tuichang bial mipui te rawngbawl turin thinglung leh tihtak zetin a inbuatsaih niin a sawi a, bial chhung mi a nih avangin bial mamawh a hria tih sawiin an aiawh tura an thlantlin chuan mipuite an inchhir dawn lo niin a sawi. Pu Tawnluia chuan a khingpui ten thu dik lo hmangin nasa takin an bei mek niin a sawi a, Khawhaia BDO dah tum anga an puhna pawh thudik lo a nih thu sawiin, thuneihna an chan hunah District atana Khawzawl an lo puan tawh chu an tihpuitlin tur thu a sawi a, hemi in a ken tel Sorkar pisa hrang hrang dahna tur khua chu ngaihtuah a la ni dawn chauh niin a sawi. Pu Tawnluia chuan, Mizoram pumah Congress chim runpui a thleng nia sawiin an hotu lawk te leh MLA ni lai te leh mipui ten an chhuahsan mek a, a la chhuak ve lo te pawhin an hotuteah rinna an nghat ngam tak tak tawh lo a ni a ti a. ZPM pawh an \han a kin tawh nia sawiin an tlinna tur bial pawh mipuiin rin ngaihna an hre lo niin a sawi. Pu Tawnluia hian an party zawm tharte a lawmlut nghal bawk.
