Scientist te chuan coronavirus kai damlo, thawk lama harsatna neite-ah hmasawnna a thlen leh thlen loh enfiah nan BCG hi an hmang a. He vaccine hi kum 1920 chho khan TB do nan hman \an a ni a, TB natna vei India ramah an tam chhoh avangin kum 1948 a\ang khan BCG hi inven nan hman chhunzawm chhoh zel a ni.
MD Anderson Cancer Center, Houston-a Prof. Ashish Kamat chuan TB laka inven nan BCG hmanna ramah coronavirus vanga thi an tlem zawk niin a sawi a, finfiahna engemawzat a awm tih a sawi.
Zirchianna a\anga a lan danin BCG pekna ramah chuan mi maktaduai khat zelah coronavirus kai hi mi 38.4 vel awm anga ngaih an ni a, BCG pek lohna ramah chuan mi maktaduai khat zela mi 358.4 laiin an kai thung. Thihpui zat pawh BCG pekna ramah hian mi maktaduaikhat zelah mi 4.28 an nih laiin pek lohn ramah chuan maktaduai khat zelah mi 40 in an thihpui anga chhut a ni thung.
US leh ram dang \henkhat, Italy leh Netherlands ang chi ah te BCG hi rampum huap anga pek a ni lo a, heng ram te hian BCG pekna ramte aiin coronavirus hi an tuar na zual a ni.
