Tamil Nadu sorkar leh PM, Narendra Modi sawiselna thuziak theh darhtu, AIADMK party hruaitu a\anga ban tak, TTV Dinakaran leh a \huihruai mi 16 zinga mi 5 chu vawiin khan police-te’n an man. Puan tawh angin Pathianni kal ta khan Tamil Nadu-a Salem bialah Sasikala leh Dinakaran-a thlawptute chuan state CM, E Palaniswami paihthlak tumna rawng kai leh mimal taka amah beihna te leh PM sawiselna inziahna lehkha an theh darh avangin police te’n thubuai an lo siam tawh a, hei hi Dinakaran-a remruat nia an hriat avangin thubuai-ah pawh a hming hi telh a ni a, an lehkha thehdarh-ah hian Dinakaran-a thlalak pawh a chuang niin police te chuan an sawi. An thiltih avang hian Pu Modi-a leh Paliniswami-a te tihhmingchhiat tuma puhna, mi rilru-a helna chawh thawh tumna leh state sorkar paihthlak tuma puhna thubuai siamsak an ni a, Dinakarana pawh hi an man ve leh mai thei tih an sawi bawk. Dinakaran-a hian a laka thubuai ziah luh a nih chhanah an CM chu puhin, Police-te duh duh a thunun \hin, Police Minister niin a sawi a, an duh duh danin che mah se, an la hlawhchham dawn tho niin a sawi bawk.
Chanchin Thar TTV Dinakaran leh a thuihruai mi 16 thubuai siam sak zinga mi...
