Tunhmaa Asia chhim chhak lam ram leh India-a awm \hin heng samak te hi tunah chuan Indonesia Ujung Kulon National Park ah chauh an awm tawh a, Hapta liamta maia Tsunami in a nuai hma khan 67 chiah an awm tawh a, he park hi Tsunami siamtu Anak Krakatau tlangkang bulhnai maia awm a ni. He tlangkang hi a la reh chuang lova, nasa zawka a kang chhuak leh a nih chuan Tsunami na tak thlen leh mai thei tura ngaih a ni.
Inrinni kalta-a Tsunami in a nuai khan heng samak awmna Park enkawltute zinga mi pawh hi mitthi zingah an tel a, tlangkang hi a la tawp loh avangin sorkar hotute chuan heng samak te hi hmun him zawka sawn tumin ruahmanna an siam mek a ni.
Javan Rhinos te hi chimit mai thei dinhmuna ding, IUCN Red List-a chuang an ni.
