Trump-a’n London a tlawh tum thulh

US President, Donald Trump-a’n kumin kum tir lama London tlawh a tum chu a \hulh a, US President hmasa, Barack Obama-a kaihhruai sorkar chu London-a US embassy hralhah puhin, a lungawi loh thu a sawi. Sorkar hmasa khan London khawpui laili, hmun \ha taka US embassy chu holam takin a hralh a, hmun remchang lo zawkah a thar, dollar tld. 1 leh vbc. 20-in a lei leh ringawt nia sawiin, \ha a tih loh thu a sawi a ni. Embassy website-ah erawh chuan, London-a US embassy sawnna atan hian kum 2009 January thlaa Barack Obama-a’n President hla a chelh \an hma khan thu tl<kna siam a ni tawh nia tarlan a ni a, London-a US embassy hi himna atana thil \ulah ngaia sawn niin a sawi. Trump-a chuan London-a US embassy thar hi hawn a tum loh thu a sawi a, London, Grosvenor Square-a United States embassy hi Indopui pahnihna hun lai pawh khan ‘Little America’ tih a lo ni tawh a, General Dwight D Eisenhower-a kaihhruaina hnuaia US sipai hmunpui pawh hetah hian a awm a, hei hi kalsanin, South Bank-ah embassy thar hi din a ni a, in hnai ber a\ang pawhin feet 100 vela hla a ni a, US sipai \hate hmun pawh a chhungah dah a ni.