Trump-a’n Iran hrekna tur hman rih loh remti

US President, Donald Trump-a’n Iran ram hrekna tur ruahman lawk tawh chu, thla tlem te hman rih loh a remti. Puan tawh angin, Trump hian Iran hrekna hi sut a tum loh thu leh hrek belh a duh zawk thu a lo sawi tawh \hin a, kum 2015-a Iran nuclear inremna chu US-in thla li dang a la vawn nun tur thu leh, tun bak chu hrekna an sut tawh loh tur thu leh thla li chhung hian America leh Europe ramten Nuclear chungchanga inremna thar duan a duh thu a sawi a ni. Trump chuan Iran hrekna sut chu a rilrem loh zawng tak ni mah se, tun atan chuan pawm a remtih thu leh, he inremna hi siam \hat a nih loh chuan US chu a inhnuh dawh tur thu a sawi leh a, tuna inrem dan chuan kum 2025 a\ang chuan nuclear ralthuam chungchanga Iran hrekna te hi a tawp tawh dawn avangin, Trump chuan nuclear mai bakah, missile siam chhuah kawnga Iran ram hrek chhunzawm zel a duh ber nia hriat a ni a, inremna thar-te hi Iran in a pawm loh chuan, nasa lehzuala hrekah Trump hian a vau bawk a ni. Trump-a thusawi avang hian Britain, France leh Germany b^kah, Europe ram \henkhat chuan nuclear hmanraw chungchangah Iran hi thu an thlunpui thuai a ngai dawn a ni.