Mizoram chak lakna pui ber National Highway No. 54, Buichali leh Kawnpui inkar hi a chhiat nasat avangin lirthei rit phurten harsatna lian zawk an tawh loh nan Ningani zing 6:30 a\anga thu leh awm hma chu helai kawngah hian tlan rih lo turin lirthei neitute leh khalhtute an ngen tih Mizoram Tipper Driver’s & Owner’s Association hruaitute hian an sawi a ni.
Vawiina Kolasib-a chanchin thar lakhawmtute an kawmnaah Tipper neitu leh khalhtute hian helai kawng chhiat avang hian Lirthei ritphur engemaw zatin harsatna an tawh thu leh hliam tuar hial an awm tawh thu an sawi a, lirhei chhiat phah pawh engemawzat an awm tawh a ni an ti a, hetiang a nih mek lai hian kawng chhia siam\ha tura hmalakna chu a chak tawk lo hle a, helai kawng hi Lirthei lian ri phurte tlan ngam anih tawh bawk si loh avangin, hnathawktuten chak zawka hma an lak theih nan lirthei neitu leh khalhtute chu he kawng hi hmang tawh rih lo turin an ngen tih an sawi a, hemi avanga harsatna tawk an awm a nih pawhin kawng \ha zawk neih theihna tur a ni tih hria a, phunnawi lova an hmalakna \awiawm turin an ngen a ni.
Mizoram Tipper Driver’s & Owner’s Association hruaitute hian helai kawng hi Pathianni khan an tlawh thu leh kawng chhia vanga Motor lian rit phur tlu leh chhia kawngpui sira ding hmun tur engemawzat a awm thu an sawi a. Hemi bakah hian lirthei lian rit phur kawng chhiat vanga tlan ngam lo tangkhang an awm belh zel nia sawiin, kawngpui siam \ha tur hian hna thawktu an tlemin, an khawl leh humanraw neihte pawh a beitham hle a ni, an ti a. Tuna helai kawng hmang rih lo tura lirthei enkawltute an ngenna chu kawngpui an Block tihna ni lovin, kawngpui siamtuten chak zawka hna an thawh theihna tur a ni tih mipuiten hria se an duh thu an sawi.
Buichali leh Kawnpui inkar kawng chauh hi a chhe lo tih sawiin, Mizoram Tipper Driver’s & Owner’s Association hruaitute chuan Langkaih Balu lakna kawng pawimawh Bairabi leh Zamuang inkar kawng pawh a chhe hle a, lei awngrawp tak avangin Langkaih Balu lakchhuah kawngah harsatna an tawk mek a, Serlui Balu \ha lakna Phainuam leh Saiphai inkar kawng pawh a chhiat avangin Balu lak chhuah theih lovin a awm mek a. Hemi avang hian Balu leina a\ang ringawtin nitin Mizoram pawnah Rs. nuai 10 vel a luangral niin an sawi. Nikum June ni 28-a Press Conference neia an lo puan tawh, Document mumal awm lova Mizoram State pawn lam Lirthei Registration awmte Transport Department-in an Registration a titawp lo mai ni lova, Register thar a awm belh zel chu pawi an tih thu an sawi a, hetianga Mizoram pawn a\anga dan dik lo leh Document lem hmanga MizoramRegistration awmte hi Mizoram Sorkar-in arang lama titawp tura an duh thu an sawi bawk.
