Hemi chungchanga vawiin a thuchhuah an siamah MNF chuan, Tripura Transist Camp-a Tuikuk awmten raltlan anga inchhalin harsatna Mizoramin rei tak chhung kawng hrang hrangin a lo tawk tawh \hin tih an sawi a, tlawmngai pawlte leh mipui pawhin tawp tawh se an duhna a taka tihhlawhtlin na tur inremna ziah a ni ta chu lawmawm an tih thu an sawi.
MNF party hian Camp-a Tuikuk awm te Tripura-a an awm hlen theih na tura Mizoram sorkar hmalakna chu fakawm an tih thu an sawi a, sorkar hruaitute leh home department hmalakna te, NGO Coordination Committee hmalaknate leh mipuiin an thlawpnaah te, Mizo mipui \anrualna rah a nih thu an sawi a, hruaikir hna buaipuitu Joint Monitoring Group nikum September ni 6-a New Delhi-a an thutkhawm dawn khan Mizoram sorkar leh tlawmngai pawlte chuan hruaikir hna hi vawi khat bak neih tawh loh nise tiin an nawr a, Mizoram sorkar leh NGO Coordination Committee-a telte \anrualna avangin Mizo mipuite duh danin thutlukna siam a ni ta a ni an ti.
Chief Minister Pu Zoramthanga’n union home minister hnenah \awngkaa a sawi bakah ziakin Tuikuk chungchang leh an dinhmunte sawifiahna nikum Novebmber ni 21 khan lehkhain a lo thawn tawh tih MNF hian an sawi a, nikum November ni 8 a Council of Ministers \hukhawm pawhin Tuikuk te Mizorama hruaikir hna thawh chhunzawm anih tawh loh tur thu an lo pass hial a ni an ti.
Pu Zoramthanga kaihruai sorkar hnuaia kum 20 chuang Mizoramin a lo buaipui tawh Tuikukte chungchangah Home Ministry, Mizoram sorkar, Tripura sorkar leh Tuikuk Pawl hrang hrangte remtih naa chinfel a ni ta chu ropui an tih thu an sawi.
