Vawiin a thuchhuah an siaman MZP chuan, insawi\haih vang leh an duhthu ngeia Mizoram chhuahsantu Tuikuk chungchangah inremna ziaka hmawrbawk a ni ta chu sorkar chungah an lawmthu an sawi a, hun rei tak a\anga Mizoram-a hruaikir tumin hma lak a lo ni tawh a, hlawhtlinna hmuh tur a awm ngai lo tih an sawi a, hetihlai hian nasa taka buaipui tawh chinfel a ni ta leh a tam zawk Tripura-ah awm zui tura inremna ziah fel a ni ta chu thilchhinchhiahtlak tak a ni tih sawiin he thil a thlen theihna tura hmalatu Mizoram, Central leh Tripura sorkar te fakawm an tih thu an sawi.
MSU pawhin Mizoram sorkar leh sorkar laipui hmalakna anga Tripura State-a an awm hlenna tura ruahmanna kalpui a ni ta chu lawmawm an tih thu an sawi a, he ni hi hriatreng a ni tawh dawn tih an sawi. MSU chuan, Tripura-a Tuikuk te Tripura-a an chhuk avang hian Mizoram leh a mipui ten harsatna tam tak an tawhphah tawh tih an sawi a, kum 2014 a MP inthlanna neih tur pawh boycott hial alo ni tawh a, Tripura a Tuikuk awmte vote thlaktir duhloin Mizoram hmun hrang hrangah lungawilohna te pawh lantr a lo ni tawh tih an sawi. MSU chuan Tuikukte chungchanga sorkar leh pawl hrang hrang te hmalakna chu chhuanawm an tih thu an sawi.
