Home Ministry chuan, kumin September 2019 chhung ngeiin Tripura refugee camp-a Bru awm te chu Mizorama hruai kir turin Mizoram Bru Displaced People Forum (MBDPF) hruaitute leh Mizoram sorkar hotute a hriattir a. Tripura camp-ah hian enfiah ngaite leh let duh hmingte chhinchhiah turin Nilaini hian Mizoram sorkar chuan mi a tir nghal dawn a, Home Ministry lam pawhin Mizoram sorkar hmalak dan te enpui tur a tir ve nghal bawk ang.
Tuikuk te Mizorama hruai let tur hian nikum july ni 3 khan sorkar laipui aiawh, Tripura sorkar leh Mizoram sorkar aiawhte bakah Bru hruaitu te chuan inremna an lo siam tawh a, tun \umah pawh hian inremna lo awm tawh sa anga Tuikuk te chhawmdawlna pawh pek tur a ni dawn a, kumin Ocotober ni 1 a\ang chuan Tripura-a Tuikuk camp-ah te \anpuina pek \hin tihtawp a nih tawh tur thu MHA hotute chuan an sawi.
Tunhnaia Tuikuk te hruaikir dan tur sawihona hi sorkar laipuia Special Secretary Dr. A.P.Maheswari-a’n a kaihruai a, Home Ministry a\anga hmarchhak viltu Joint Secretary Satyendra Garg leh Under Secretary A. Radha Rani an tel a, Tripura Sorkar aiawhin Principal Secretary Kumar Alok, MBDPF hotute leh Mizoram aiawhin Home Secretary Pu Lalbiakzama, OSD Home Pu David H.Lalthangliana, Central YMA President Pu Vanlalruata, MBCC Chairman Pu Elvis Chorkhy leh Tripura Tuikuk Camp-a pawl aiawh pahnihte an tel a ni.
Inremna lo siam tawh ang chuan Tukuk Mizorama let leh te hi chhungkaw tin Rs. 4,00,000 pek an ni ang a, tangkafaia \anpuina thla tin Rs. 5,000 kum 2 chhung pek an ni ang a, in sakna tur Rs. 1,50,000 pein, kum hnih chhung a thlawna ration pek an ni bawk ang.
