Tripura nena inrina bula awm, Kanhmun-ah pawh sorkar hotute leh khawtlang hruaitute nizan khan an \hukhawm a. Zing dar 9 atanga tlai dar 5 chhung mihring leh lirthei eng chi pawh endikna paltlangin Mizoramah luh theih nise, tlai dar 5 atanga zinglam dar 9 thleng mihring leh lirthei eng chi mah luh leh chhuah phal loh nise an ti a ni.

Inkalpawhna laiah hian Kanhmun Branch YMA te leh Police te duty turin an ruat a, Langkaih group YMA chu a \ul anga ruahmanna siam tura tih a ni a, Duty na tur gate hi Kanhmun khawtlangin vawiin khan hnatlangin an siam nghal a ni. Nimin thleng khan Kanhmunah hian healthworker pakhat leh police constable pakhat ten sceening hi an kalpui a, an in daihlo hle a ni.