Tripura High Court-a chief justice \hin, Justice T. Vaiphei chu Assam Human Rights Commission-a chairperson a nih mek laiin Meghalaya Human Rights Commission-ah pawh chairperson turin ruat a ni a, state human rights commission pahnihah a rualin chairperson nihna a chelh dawn a ni.

Zofate zinga high court chief justice hmasa ber Pu T. Vaiphei hi Manipur state-a cheng Zofate zinga zirna lama sulsutu Thianlam Vaiphei, Churachandpur Higher Secondary School, Lamka dintu fapa a ni. Aizawla hun eng emaw chen ukil hna a thawh hnuah Gauhati High Court judge atan lakluh a ni a, chief justice dinhmun a thleng a, a chawlh hnuah Human Rights Commission ah Chairperson hna hi a thawk chhunzawm leh a ni.