Tripura Camp-a awm Tuikukte vote thlak tir dan tur chungchanga NGO Coordination Committee kaihhruaina hnuaia mizo mipuite thilphut chu a tlangpuiin Election Commission of India, vawiina \hukhawmin a pawm a, a hmuna thil awmdan sawipui turin thuneihna sang zawk nei high level team naktip khian Mizorama tirh a rel.

Election Commission chuan mizo mipuiten inthlanna muanawm tak buatsaih kawnga kalphung ropui tak an lo neih tawh chu fakawm a tih thu a sawi a, hmanhmawh taka hmalak \ulna a nih avangin Mizoram dinhmun chu commission meeting pui berin vawiinah an ngaihtuah nghal tih sawiin, Mizorama tlawmngai pawl inelkhawmte thil phut chu a tlangpuiin an pawm tih an sawi a, thil awmdan a hmuna enfiah tur leh a \ul apiang sawiho turin naktip Zirtawpni khian thuneihna sang zawk nei Election Commission of India team tirh an nih tur thu a sawi.

Zirtawpni-a Mizoram tlawhtu tur Election Commission team hi Deputy Election Commissioner Pu Judeep Jain a’n a kaihruai ang a, Team member zingah Jharkhan CEO nilai Pu Lalbiaktluanga Khiangte, ECI Secretary Pu SB Joshi leh Mizoram Addl CEO Pi Lalzarmawii te an tel ang.

Election Commision chuan nizana Kolasib-a tharum thawha chetna thleng chu pawi a tih thu pawh sawiin, remna leh muanna boruak \ha taka vawng tlat \hin mizote chuan boruak muanawm tak hnuaia inthlanna felfai tak buatsaih anih theihna turin a mawhphurtu zawng zawngin hma an lak a beisei tih Election Commission chuan a sawi.

Tripura Camp-a Tuikuk te vote thlak dan turah thuah hian NGO Coordination Committee chuan kum 2014 April ni 7-a Election Commission in ziaka a lo sawi tawh, inthlanna reng rengah Tripura Camp-a awm Tuikuk ten Mizoram chhungah chauh vote an thlak tawhna turin ruahmanna siam a ni ang tih leh an vote thlakna tur hi Mizoram chhunga anih hrim hrim chuan an pawm thei tih nizana Election Commission-a resulution an thehluh ah hian an tarlang a, Mizoram CEO Pu SB Shashank Mizoram a\anga sawn chhuah nghal an phut bawk a ni.