Camp-a vote nei awm zat hi 11,967 an ni a, heng mite hi Assembly bial pakua, Hachhek, Dampa, Mamit, Tuirial, Kolasib, Serlui, Lunglei, Thorang leh West Tuipui biala vote neite an ni. Tlai dar 4 thleng khan Ha chhek biala vote nei 5052 zinga 2643 ten vote an thlak tawh a, hei hi zaa 52.31 a tling phak a, Dampa biala tuikuk vote nei 972 te zingah 460 in thlakin hei hi zaa 47.32 a tling a, Mamit biala vote nei 3125 zinga 1544 ten vote thlakin hei hi zaa 49.40 a tling.
Tuirial biala tuikuk vote nei, 659 zingah tlai dar 4 thleng khan 347 in vote an thlak a, hei hi zaa 52.65 a tling a, Kolasib bialah vote nei 458 zinga 248 in thlakin zaa 54.14 a ni a, Serlui biala tuikuk vote nei 823 zinga 467 in vote thlakin zaa 43.37 a ni a, Lunglei South biala vote nei 56 te zing 23 in vote thlakin zaa 41 a tling a, Thorang biala tuikuk vote nei 343 zinga 217 ten vote thlakin zaa 63.26 a tling a, West Tuipui biala vote nei 526 zinga 323 ten vote thlakin zaa 61.40 a tling phak bawk.
Tripura Camp-a awm Tuikuk te vote tlak \hat dan hian bial \henkhata candidate te dinhmun a hril hle dawna ngaih a ni.
Tuikukte hian an awmna Camp \heuh a \anga Kanhmun pan nan Tripura sorkar chuan Motor a ruahman sak a, hengte hmang hian Kanhmun thleng an kal a ni. Bru Camp paruka awm, vote thlak tura Kanhmuna kal te hian vote thlak hun chhung tura ruat tukin dar 7 a\anga tlai dar 3 thleng khan vote an thlak zawh hman loh avangin Polling area-a awm chin te chu vote thlak zui tir an ni a, midang an luh belh loh nan Polling area hi \ha taka ven zui a ni a, tlai dar 3 hnu lamah vote thlak tur thlen belh engemawzat awm te chuan Polling area-a luh ve an tum a, amaherawhchu heng mite hi vote thlak hunah an thleng hman tawh lo tiin dan zui an ni. Kanhmuna Zonet Palai hnen a\anga thu dawn danin Tripura Bru Camp-a awm te tana Kanhmuna vote thlakna hmun siamsakah hian vote thlak tur kalkhawm an \hahnem hle a, vote tla zat erawh chu a la hriat theih loh a ni. Langkaih luia Tripura leh Mizoram inrina leiah Langkaih Group YMA in welcome gate siamin, Tuikuk te chu Mizoram chhunga vote thlak tura an lo lawm thu an tarlang a ni.
