Additional DC chuan sorkar laipui leh Mizoram Bru Displaced People Forum hruaitute inremna siam angin heng mite hi kumin March ni 31 ral hmaa Mizorama hruaikir vek tur tih a nih avangin heng mite hruaikir hnathawk tur hian Liaison Officer leh Administrative Officer engemawzat ruat niin a sawi a, Lunglei District mi an awmna camp a\anga hruaikir turte hi Khakchangpara camp a\angin chhungkaw 2, Hamsapara camp a\angin chhungkaw 1, Naisingpara camp a\angin chhungkaw 63 leh Hazacherra camp a\angin chhungkaw 298 niin a sawi a, heng mite hi khaw 4, Putlungasih, Chawilung S, Dinthar leh Buknuamah te dah an ni dawn niin a sawi bawk.
He meeting-ah hian an awmna Relief Camp a\anga Lunglei District pana an kalna tur motor ruahman dan tur chungchangte, an ei leh in tur, inthiarna, damdawi an mamawh turte bakah anmahni venhimna ruahman dan tur te siam a ni.
He meeting-ah hian Addl. SP, Pu Lalchhuanthanga bakah a kaihhnawih Department hrang hrang hotute leh Sub Hqrs YMA hruaitute an tel a ni.
Hetihlai hian Zonet zawhna chhangin Home Deptt. hotute chuan Tripura Bru Relief Camp a\anga Mizoram mite kumin March ni 31 ral hmaa hruaikir tur tih chungchangah Union Home Ministry a\angin hmalak dan tur chungchang inhrilhhriatna thuthar dawn a awm lova, heti chung hian Mizorama lo let duhte lo dawngsawng tur leh an mamawh pe turin sorkar chu a inpeih reng niin an sawi a ni.
Zonet zawhna chhangin Mamit District leh Kolasib District-a thuneitute chuan tun hnaiah hemi chungchangah hian a thara hmalakna an nei chuang lo niin an sawi a ni.
