Hemi chungchang sawihona nimina Mizoram sorkar, Bru hruaitute leh Tripura sorkar aiawhten Damcherra-a an neihah MBDPF, MBDPCC leh Camp hrang hranga an hruaitute chuan tuna an awmna hmun naktuk a\anga chhuahsan chu an tan a harsa tih an sawi a, Relief Camp chhuahsan a harsatna chhan chu an duhna ni lo, hmundanga dah tum an nih vang te, an chhuah hmaa an awmna tur hmuna chenna in tur sak hmasak phawt an duh thu te leh \anpuina sum chhungkaw tin tan cheng nuai 4 \heuh pek tur chu camp an chhuahsan hmain a chanve tal pek phawt ni se an duh thu an sawi a ni. Mizorama lakkir an nih dan tur sawihona inkhawm Damcherra BDO Conference Room-a neihah hian inkhawm kaihruaitu, North Tripura District Magistrate, Pu Raval Hamendra Kumar chuan ruahmanna lo siam tawh chu an zawm thei lo a nih pawhin sorkar laipui chuan ruahmanna a lo siam tawh angin kumin October thla tawp a\angin camp titawpin \anpuina a pek \hin pawh a titawp dawn tih a hrilh a ni. He meeting-ah hian camp hrang hranga Bru chhungkaw awmte chu Mizorama an let duh leh duh loh hriatfiah nan lehkhaah an hming ziak tura tih an ni bawk. Puan tawh angin he meeting-ah hian Mizoram aiawha tel te chu Joint Secretary, Pi Lalbiaksangi, Mamit Additional DC, Pu Jacob Lalawmpuia ten an hova, Kolasib leh Lunglei DC aiawhte pawh an tel a ni.
