Hemi chungchanga Lunglei NGO Coordination Committee thu chhuah tarlan danin heng mite hi Election Department mitirh in Bru Campa kal chilhin tih dan phung panngai ang nilova, hearing pawh nei lovin Lunglei District a Assembly bial hrang hrang hrang electoral roll-ah a lo thun tih hmuh chhuah a nia, hei tianga thil tih hi NGO Coordination Committee chuan pawi a ti hle a, a tawp thlengin dodal an tum dawn tih an thuchhuahah chuan an tarlang a ni. He thil thleng duhloh entir nan hian Lunglei NGO Coordination Committee chuan naktuk chawhma dar 10-ah Lunglei Bawrhsap Pisa tualah Lungawilohna inkhawm a huaihawt dawna, he tah hian Electoral Roll chhutchhuah thar, Second Supplementary Electoral Rolls tia hriat chu an hal dawn a ni.
