Hetah hian zanin an riah hnuah naktukah Lunglei lam panin chhuahpui leh an ni ang. Lunglei an thlen hunah Luangmuala 2nd IR Battalion hmunpuiah thlen tir an ni ang a, chumi hnuah Lunglei District-a an awmna tur hmun Tlabung khaw bul, Dinthar khuaah dah an ni ang. Hemi hmalama ruahman dan chuan Hazacherra Camp-a chhungkaw 27 leh Khakchangpara Camp-a chhungkaw khat te chu tun thla ni 19 khan laklet tura ruahman an ni a, amaherawhchu heng zinga chhungkaw 13 te chu an inpeih ve hman tak loh avangin hun remchang hmasa berah Mizoramah an lo let dawn nia thudawn a ni. Hetihlai hian Tripura Bur Camp \henkhat a\ang pawhin Mamit District-a let duh engemawzat an awm tawh niin Union Home Ministry-a Adviser (Bru), Pu Mahesh Kumar Singla chuan a sawi a, heng mite hi hun reiloteah Mamit District-ah hruai let an ni dawn a, tunah hian ruahmanna siam mek a ni. Hemi hmalam hian Kaskau Camp-a awm chhungkaw engemawzat, Mizorama lo let duh nia insawite chuan an letna hmun turah an chenna in tur sak hmasak an duh thu sawiin, sorkar a\angin sum an mamawh thu an sawi a, hemi chungchang hi tun hnai khan Mizoram sorkar aiawh, Central sorkar aiawh leh tlawmngai pawl aiawhte chuan an sawihova, hetah hian tlawmngai pawl aiawhte chuan kumin July ni 3-a sorkar laipui kaihhruaia New Delhi-a inremna thuthlung lo siam tawh ang ni lo, rawtna dang chu pawm loh ni se tiin rawtna an siam a ni.
