ZONET zawhna chhangin Chief Electoral Officer, Pu Asish Kundra chuan Mizoram Bru Displaced People Forum hruaituten tunhnai Election Commission of India a ngenna an thehluh chu Election Commission chuan Mizoram Chief Electoral Officer hnenah a rawn thawn tih a sawi a, hemi chungchangah hian inbiakrawnna nei a, hmalak zel dan tur sawiho a \ul bakah Mizoram Assembly inthlanna felfai leh muanawm taka zawhfel a nih hnuah Tlawmngai Pawl hrang hrang inzawmkhawm hrauitute nen inhmuhkhawm a \ul niin a sawi a ni.
In hmuhkhawmna tur hi Assembly House epa, Inforamationn & Communication Technology Office Conference Hall-ah a nia, chhun darah \an a ni ang. Mizoram Bru Displaced People Forum hrauite hian Election Commission of India-a tunhnai ngenna an thehluhah hian an President Pu A Sawibunga, Vice President, Pu R. Laldawngliana leh General Secretary Pu Bruno Mesha ten an hming an ziak a, tuna Mizoram pum huapa Photo Electoral Rolls Special Summary Revision neih mek chu Tripura a Bru Camp 7 huam tir an duh thute, kumin April emaw, May thlaah emaw Lok Sabha inthlanpui neih turah Mizoram Bru, Tripura Relief Camp-a awm ten kim taka vote an thlak ve theih nan Electoral Roll ennawnna neih mekah kum tling thar te leh hun hmasa lama hmaih \hleh awm te thun ve \ul an tih thu an sawi a ni.
