Zonet zawhna chhangin Mizoram Bru Displaced People Forum President, Pu A. Sawibunga chuan Bru Relief Camp-a Mizoram mi awm te ration leh \anpuina cash dole tangkafaia an dawn \hin, nikum October ni 1 a\anga tihtawp a nih hnuah an ngenna chhangin sorkar laipui chuan ration leh cash dole hi tun thla ni 15 thleng turin a pe chhunzawm leh a, tunah hian ration dawn zuina tur ni 10 vel chauh an nei tawh a, amaherawhchu sorkar laipui a\angin an awm zel dan tur chungchangah leh anmahni chhawmdawlna pek dan chungchangah thuthar engmah an la dawng lo niin a sawi a ni. Zawhna dang chhangin Pu A. Sawibunga chuan Krismas leh kumthar kha Bru Relief Camp hrang hranga awmte chuan ruai nen an lawm ve thei a, Krismas pawh Presbyterian leh BCM Kohhran bakah Kohhran dangten anmahni camp hmun \heuhah hlim takin an lawm ve thei niin a sawi a ni.
