Tribal, tribal area-a cheng te hnen a\anga sorkar laipuiin income tax lak a tumna nia ngaih theiha State Bank of India-a account neite account-a pawisa lut a\anga chhiah lakna ‘Tax Deducted at Source’ hman thar duh loh entirnan Mizorama tlawmngai pawl hrang hrang inzawmkhawm chuan tun thla ni 20, karleh Nilaini a\angin Mizoram chhunga State Bank-a hnathawkte pisa kai tur a dang dawn.

Hemi chungchang hi vawiina Central YMA Executive Committee \hukhawm chuan a ngaihtuah a, Mizoram State chhunga SBI Branch hrang hranga hnathawkte dang tur hian Sub Hqrs. Group leh Branch te anmahni area \heuhah hma la tura hriattir an ni a, Aizawl khawpui chhung bikah chuan YMA Branch hrang hrang aiawhte chu tun thla ni 19, karleh Thawhleh zanah SBI-a hnathawkte pisa kai tur dan tur leh a kaihhnawih thil pawimawh te hriattir an ni ang. He meeting hi CYMA President, Pu Vanlalruata’n a kaihruai a ni. CYMA chuan Mizo Tribal, Mizorama chengte a\anga sorkar laipuiin Income Tax tun hmalama a lak ngai loh thu sawiin, tuna lak thar tumna awm ta thut chu thil hriatthiam har a ni tih an tarlang a, sorkar laipui leh SBI hotute chu he thil tum sut tura ngenin ram leh hnam humhalhna atan theihtawp chhuah tur leh Tax Deducted at Source lungrual taka do turin Mizo mipuite a ngen a ni.