ZPM member, Pu VL Zaithanzama zawhna leh zawhbelhna dangte a channaah Transport Minister chuan Myanmar lamah Tahan thleng Bus hi service tir tum a nih thu leh Tripura lamah chuan Jampui tlangdung leh Manipur-ah pawh MST Bus hi tlan tir tum a ni, a ti a. Champhai a\anga Tahan thleng Bus service tir tum chungchangah hian External Affairs Ministry pawh dawr tawh a ni a, Ministry chuan Myanmar nena Bus intlan tawn tir a nih theih nan hian hmalak an lo tiam tawh tih a sawi.
Pu TJ Lalnuntluanga chuan, State pawn lama MST Bus tlan thar tir tum chungchangah hian tluang zawka thil a kal theih nan Chief Minister hriatpuinaa mimal kuta hlan tum a nih thu a sawi a, hemi atan hian dan leh thil pawimawh dangte buaipui mek a ni, a ti.
Minister sawi danin, tunah hian Mizoram chhung khaw 12-ah MST Bus tlan tir mek a ni a, Bus indaih tawk lohna leh kawngpui chhia vangin hmun \henkhata MST Bus tlan tir \hin chu tihtawp lailawk rih a ni a. Tun dinhmunah chuan Aizawla hman tur Two Wheeler Taxi Permit pekchhuah belh tur a nih leh nih loh sawi ho a la ni rih lova, man chawia hman chi lirthei, a bikin Taxi-te chu Service chhunzawm tura an tlin leh tlin loh en nan lehkha pawimawh neih ngai leh Fitness Certificate endik sak \hin an ni a, hemi tih loh thil dang chu endik an ni ngai lo tih a sawi.
