Oppostion Group Leader, Pu Lalduhoma zawhna leh zawhbelhna dangte chhanga he thu hi sawiin, Transport Minister chuan, Sairang a\anga Hmawngbuchhuah thlenga rel kawng sial tur hian Indian railways a\angin kum 2013-14 khan Survey tih phalna hmuh a ni tih a sawi a, hei hi buaipui nghalin, Preliminary Engineering Level Traffic Survey chu zawhfel tawh a ni, a ti a. Rel kawng sial tak erawh chu Sorkar laipui hnuaia Railways Ministry kut a ni a, vawiin thlengin hmalak zuina erawh a awm thu hriat ala ni lo tih a sawi.
Pu TJ Lalnuntluanga chuan, rel kawng sial chu Mizoram sorkar chuan \ha a tih thu sawiin, rel kawng sial chungchangah hian Transport Department chuan Direct-in mawhphurhna a la vek lova, a kal kawngah erawh hman an ni chauh tih a sawi a, an Department-in a chhinchhiah dan chuan Sairang a\anga Hmawngbuchhuah thlenga rel kawng sial turah hian hmalakna a la awm lo tih a sawi.
