Vawiin Assembly Budget Session-a Congress member, Pu C. Ngunlianchunga’n Tripura-a Jampui tlangdung leh Manipur-a Churachanpur-Lamka mai ni lo, Myanmar-a Tahan thleng MST Bus Service tir tum a nih laia Mizoram chhunga mamawhtu tam tak awm te tan Bus Service belh tir theih a nih leh nih loh zawhna chhanga he thu hi sawiin, Pu TJ Lalnuntluanga chuan, State sorkar sum neih dan mil zela Bus Service hi ennawn tum a nih thu a sawi a. State pawna Bus Service tir tum chu hmun hrang hranga awm Zofate inpumkhatna an eih zel theihna tura tih niin, chumi atan chuan theihtawp an chhuah mai a ni, a ti a. State chhunga Bus Service a tam tawk loh chungchangah kum 10 kalta chhung khan an lo tihman chiah lo pawh a ni ang a, hei hi thuam mawi turin MNF sorkar chuan hma a la mek tih a sawi.
Zawhna dang a chhannaah Transport Minister chuan, dan dinglai ang chuan sumdawng lirtheite kum 15 tling tawhte chu vawi 1 a thara thlak theih tura ruahmanna siam a ni tih a sawi a. Ram \hang zelah lirthei upa lutuk tawhte chu fimkhur taka kalpui ngai a ni tih hriat a nih avangin buaipui mek a ni, a ti a. Lirthei a\anga khuchhuak mihring hriselna atana a hlauhawm leh hlauhawm loh chu Pollution Control Board-in a enfiah tur a ni a, Transport Department chuan sumdawng lirtheite chu tlan chhunzawm tura a \hat tawk leh tawk loh an enfiah \hin tih Pu TJ Lalnuntluanga chuan a sawi.
