Transport department Assistant Director Pu Lalnunthianga chuan, tuna aia Khawthlangtuipui hman \angkai a nih theihna tura project an kalpui turah, khawtlang hruaitu leh mipute tawiawmna an mamawh tih sawiin, thawhpuiah a sawm a, project an kalpui tur chuan a \ha lo lamin nghawng nei thei ve bawk mah se, \hatna tur tam tak a neih avangin, kawng hrang hranga hma sawnna thlen tur anih thu a sawi. Hemi chungchanga hmalakna bawhzui turin, Inland Waterways Authority of India-a mithiamte leh mi pawimawh dangten Tlabung an la tlawh leh tur thu a sawi bawk.
Transport department Assistant Director chuan, Development of Inland Water Transport on River Khawthlangtuipui / Tuichawng project atan hian Sorkar laipuiah DPR thehluh a ni tawh tih sawiin, siam that ngai an tih lai pawh siam that tawh a ni tih a sawi a, he project atan hian a thawh khatna (first phase) atan, ramri atanga Tlabung lam km 6-a thui sial thatna tur cheng nuai 638 vel ruahman chhin phawt niin, a thawh hnihna atan a aia thui zawk sial thatna tur cheng nuai 1652 vel ruahman chhin a nih thu a sawi. Ton 2 atanga ton 25 thlenga rit lawng lianin a zawh theih tura Khawthlangtuipui sial thatna tur a nih thu leh, awlsam zawka Kolkata a tlawhpawh theih dawn bakah, Bangladesh nena insumdawn tawnna atan pawh tangkai taka hman theih beisei a nih thu a sawi bawk.
Tlabung leh a chhehvel khaw hrang hrang hruaitute chuan, Sorkar-in an khaw hrula luang Khawthlangtuipui hman tangkai tuma ruahmanna a siam chu lawmawm an tih thu an sawi a, hemi atan hian rawtna leh ruahmanna an neih te Transport department aiawhte hnenah hian lo thlenin, Sorkar hmalakna tichak tura theihtawp chhuah an inhuam thu an sawi a ni.
