Vawiina a pisaa thuthar thehdarhtute a kawmnaah Pu H. Ramthlengliana chuan, lirthei khalhtute chu \hahnemngaih lutuk avanga ni khata nidanga an service aia tam tlan an awm \hin niin a sawi a, hah lutuk chu taksa-in a zawh loh fo avangin chetsualna thleng a awm phah \hin thu sawiin lirthei neitu leh khalhtute chu anmahni leh passenger te himna ngaipawimawh hmasa turin a chah a, mipuite pawh lirthei fit lo leh lirtheiin a zawh loh khawp bungraw phurah chuang lo turin thurawn a pek a, lirthei neitu leh khalhtute chu an lirthei service turin a fit tawk em tih endik fo tur leh a fit lo chunga service tir lo turin a hrilh a ni. SP chuan Driving licence nei lo khalh tir lo turin motor neitute a ngen a, danin a phal chin aia chaka tlan lo tur leh zu leh ruihtheihthil dang ti chunga lirthei khalh lo turin motor khalhtute a chah a ni. SP chuan mipuite him nan khualzin phur lirtheite chu chik takin Traffic Police ten an endik niin a sawi a, fimkhur tura inngenna Krismas Card pawh an sem niin a sawi a ni. SP chuan rui chunga motor khalh emaw, passenger-te tana him lo thei zawnga motor khalhte report-na tur phone number pawh an krismas card semah tarlan niin a sawi a, telephone-in emaw, whatsapps-in emaw an lungawilohna Traffic Police hnenah mipuite chuan an thlen thei reng niin a sawi. Pu H. Ramthlengliana chuan phai lama sumo service \henkhat zurui chunga lirthei khalh ching an awm tih thu an dawng tih sawiin hei hi rang taka bawhzui a ni tih a sawi a, lirtheia chetsualnaah hian fimkhur loh avanga chetsualna thleng chu za zela 70 vel a ni tih sawiin, hei hi fimkhur chuan a pumpelh theih niin a sawi a, silencer ring lutuka tlan chu phal loh a ni tih sawiin, chutiang hmute chuan an lirthei number chhinchhiaha, Police hnena hriattir turin a ngen a ni. SP chuan Aizawl veng hrang hranga garage nei leh nei lo an endik \hin a nih thu a sawi bawk a ni.
