Traffic SP chuan December ni 4 a\anga ni 9 thlenga Electric Veng Presbyterian Kohhran Biak Ina Synod Inkhawmpui neih tur tluang taka neih a nih theih nan Biak In leh a chhehvela lirthei dah dan tur leh tlan dan tur a ruahman.

Hemi chungchangah hian mipuite hriattirna thuchhuah siamin Traffic SP chuan Synod Inkhawmpui chhung hian Sakawrpului a\anga Presbyterian Kohhran Biak In kawmthlang, Zotui tuikhur thlengin hmar lam pan chauhin motor tlan tir phal a ni ang a, Zirtiri Residential College kawng peng a\anga Bazar kawnga Electric Veng kalna kawngah inkhawm kal hunlai leh ban hunlaiin Zirtiri College lam a\ang chauha motor kal tir phal a ni ang a, Bazar kawnga Pu Laldenga kawt chu Bus dropping zone a nih dawn a, helai hmunah hian lirthei dah phal a ni lo ang. Aizawl khawpui chhung hmun hrang hrang a\anga bus hmanga Synod Inkhawmpuia kal tur te chu Lower Zarkawtah chhuka St. Mary’s Biak In kawnga kea kal tura ngen an ni a, Grace Nursing Home a\anga Bezalel dawr kawt thleng dropping zone atan hman a nih dawn avangin he kawngpui sirah hian motor dah phal a ni lovang. Motor dahna tur hmun a tlem avangin inkhawmpuia tel tur te chu a theih chin chin kea kal tura ngen an ni.