Vawiin hi Aizawl khawpui tawt lutuk tihziaawmna atana Traffic Management Coordination Committee-in lirthei neitu zawng zawng, Garage nei vek tura hun a pek tawp ni a ni a, hemi bawhzui tura din, Working Group Committee chuan nakzan dar 8 a\angin Garage nei leh nei lo a enfiah \an dawn. Working Group Committee hi vawiin chawhnu khan Traffic SP Pisa-ah an Chairman, Pu Lalbiakzama hovin an \hukhawm a, an ruahman dan chuan Working Group Committee member 5-in Traffic Police leh Transport Enforcement Team hovin Garage nei leh nei lo hi nakzan a\angin an enfiah \an dawn a ni. Zonet zawhna chhangin Pu Lalbiakzama chuan, Garage ni lova lirthei dahte chu pawisa chawitir zel an ni dawn tih a sawi a. Motor chhia, kawng sira dah chu dan kalh a nih avangin hnuh sawn zel a nih tur thu leh Garage ni lova lirthei dahte chu zan khatah cheng 500 zel chawitir an nih tur thu sawiin, motor neitute chu a dahna \ha tak nei vek tura ngen an ni tih a sawi. Aizawl khawpui chhunga Local Council hrang hrang, an huam chhunga Garage nei leh nei lo enfiah tura tih an nih chungchangah veng tam zawkin an zir chianna la thehlut lo mah se, sorkar thuchhuak hi khauh taka bawhzui a nih tur thu, Pu Lalbiakzama chuan a sawi bawk.
Traffic Management Coordination Committee Chairman, Pu R. Lalzirliana chuan December ni 1 a\anga Aizawla motor nei zawng zawng, Garage nei vek tura tih chu khauh taka ken kawh a ni dawn tih a lo sawi tawh a. Kum 1 vel kal ta a\ang khan Garage neih chungchang hi puan a nih tawh thu leh he thupek ngai pawimawh hian mi tam takin Garage an neih tawh thu te, la nei ve lo pawh eng emaw zat an awm tih hriat a nih thu sawiin, Garage nei ve thei lote pawh mi dang ta luah mai tura beisei an ni tih a sawi. Pu R. Lalzirliana chuan, sorkar thuchhuak hi sorkar tan ni lovin, mipui tan a ni tih mipuiten hrethiam se a duh thu sawiin, Aizawl khawpuiah Traffic Jam avangin mipuiten hun an paih nasa a, Aizawl khawpui chu nuam zawka siam turin mipuiten mawhphurhna an nei tih a sawi a ni. Puan tawh \hin angin, Traffic Management Coordination Committe chuan Aizawla lirthei nei zawng zawng chu kumin November ni 30 ral hma ngeia garage nei turin nikum October ni 1 khan a lo hriattir tawh a ni.
