Vawiin Assembly Budget Session ah MNF member ZR Thiamsanga zawhna leh zawh belhnate chhanga he thu hi sawiin, Pu Robert Romawia Royte chuan, Tourism Ministry hnuaia hmalakna Product Infrastructure Development for Destination Circuit (PIDDC) tihtawp a nih avangin Department-in leibá cheng nuai 4,000 chuang an nei tih a sawi a, he project hnuaia hnathawh mekah \henkhat chuan zaa 30 leh a aia tamte an zo tawh a, hetiang a nih mek laia Project tihtawp a nih vang hian leiba tam tak an neih phah ta a ni, a ti. Pu Robert Romawia chuan, contractor-te hnena an bat chu rulh a nih theih nan theihtawp an chhuah tih sawiin, sorkar laipui hotute dawr mah se, PIDDC project chu a tawp tawh avangin sum hmuh a beiseiawm tawh lova, DoNER leh NEC hotute a dawrna a\angin beiseina tlem an nei a, kumin March ni 29 khan NEC a\angin cheng nuai 273 hmuh a ni a, chu chu PIDDC hnuaia hnathawh zinga thawk tam hman zualte pek a ni dawn a ni, a ti.
Chaltlanga Tourist Lodge leh Durtlang inkara ropeway siam mek chu zawh a la nih loh thu sawiin, Pu Robert Romawia chuan, “Tunah hian hna chawlh rih a ni a, zawh hun tur hriat theih a ni lo a ti a. Ropeway kalkawng turah hian High Tension Electric Wire 4 a awm a, hei hi sawn theih a nih loh avangin sorkar hmasa hun lai a\ang khan chawlh lailawk san a ni a, Hmuifang lama sawn rawtna pawh sorkar hmasa hunlai khan Ministry of Tourism chuan ziakin a pawm loh thu Mizoram Tourism department a lo hrilh tawh a. Hetiang hi thil awm dan ni mah se, a hlawhtlin theih nan kawng dap mek a nih thu leh a sawnna tur atan Lammual a\anga Zemabawk inkar en thlithlai a nih thu a sawi a. Hetiang Project hi sawn ala nih ngai loh avangin beiseina erawh a tlem a, beisei bo erawh a ni lo thung tih a sawi.
