Thuthar lakhawmtu \henkhat zawhna chhangin Pu John Rotluangliana chuan, MNF Vigilance Committee-in Congress sorkar laia an policy NEDP hnuaia Tourism department-a sum dah cheng nuai 304.08 chu a hmanna tur ni lova hman nia an sawi chu thudik tawk lo a nih thu a sawi a. Tourism Ministry hnuaia PIDDC scheme hmangin contractor 40 hnenah hna pek a ni a, hemi hmanga hnathawh chu \henkhatin an zawh tep tawh laiin, sum dawn chhunzawm a nih loh avangin bill pek tur a awm lo a, contractor lamin department lam an nawr ve reng bawk si avangin NEDP duan a nih hnuah contractor-te ba rulhna tur dil an ni a, hemi ang hian NEDP a\angin cheng nuai 304 dawn a ni a. He sum hmanna tur hi kum 2018, October ni 11-a officer’s meeting chuan a ngaihtuah a, chutah chuan PIDDC scheme hmanga hnatawkti contractor-te hnenah hna an thawh tawh ang zela pek chhuah remtih a nih angin pek a nih thu a sawi. Pu John Rotluangliana chuan, Khawzawl Tourist Lodge pawh hi PIDDC scheme hnuaia project pakhat a nih thu sawiin, a sak zawhna tur cheng nuai 67.49 chu kum 2018 March ni 29 khan Tourism department account-ah NEC-in a thun tawh thu a sawi a. Khawzawl Tourist Lodge saknaah hian sum bo pakhat pawh a awm lo niin a sawi.
